Yəməndə münaqişə tərəfləri 1700-dən çox əsirin azad edilməsi barədə razılaşıb

Yəməndə münaqişə tərəfləri cümə axşamı 1700-dən çox əsirin azad edilməsi barədə razılığa gəliblər.

"PostMedia"xəbər verir ki, mübadilə niyyətini hökumət nümayəndə heyətinin əsir mübadiləsi üzrə danışıqlardakı rəhbəri Yəhya Kuzman bildirib.

“İki tərəfdən təxminən 1728 nəfər azad ediləcək ki, bu da mühüm humanitar addım olacaq... və əsirlərin və onların ailələrinin əzablarına son qoymağa yönəlib,” — Kuzman X sosial şəbəkəsində yazıb.

O əlavə edib ki, husilər tərəfindən azad edilənlər arasında Yəmən ordusunun əsgərləri, siyasətçilər və jurnalistlər də olacaq.

"Əl-Ərəbiyyə"nin  məlumatına görə, razılaşma İordaniyanın paytaxtı Ammanda imzalanıb.