Makron "Ağ Ev"də Britaniya kralının zarafatına istehza ilə cavab verib

Fransa Prezidenti Emmanuel Makron Britaniya Kralı III Çarlz və ABŞ Prezidenti Donald Trampın iştirakı ilə "Ağ Ev"də keçirilən dövlət ziyafətində səslənən zarafata ironik cavab verib.

"PostMedia" xəbər verir ki, bu barədə o, "X" hesabında paylaşım edib.

Şam yeməyi zamanı Britaniya monarxı çıxışında Trampın sözlərinə istinad edərək bildirib ki, “əgər Böyük Britaniya olmasaydı, amerikalılar çox güman ki, fransızca danışardı”.

Buna cavab olaraq Makron qısa şəkildə yazıb: “Bu, möhtəşəm olardı”.

Daha əvvəl Tramp da tarixi bir qeyd edərək bildirmişdi ki, ABŞ İkinci Dünya müharibəsinə qoşulmasaydı, Avropa “alman dilində, bəlkə də bir az da yaponca” danışa bilərdi.

III Çarlzın ABŞ səfəri iki ölkə arasında müttəfiqlik münasibətlərinin gücləndirilməsinə və ABŞ-nin müstəqilliyinin 250 illiyinə həsr olunub.