İranın devrilmiş şahının oğlu danışıqlara qarşıdır və hakimiyyət dəyişikliyinə ümid edir

İranın devrilmiş şahının oğlu Rza Pəhləvi bəyan edib ki, Tehranla istənilən danışıqlar “yumuşatma siyasəti”nə bərabərdir və “yenidən başlayan küçə etirazlarının” rejimin devrilməsinə gətirib çıxaracağına ümid etdiyini bildirib.

"PostMedia" xəbər verir ki, bu barədə "Al Jazeera" məlumat yayıb.

65 yaşlı Pəhləvi Berlində çıxış edib. Onu burada həm tərəfdarları, həm də sərt tənqidçiləri qarşılayıb. Bildirilir ki, aktivistlərdən biri polis tərəfindən saxlanılmamışdan əvvəl onun üzərinə qırmızı maye töküb.

Həmin gün daha əvvəl jurnalistlərlə danışan Pəhləvi İran əleyhinə ABŞ-İsrail müharibəsinə qoşulmayan Avropa hökumətlərini başqa addımlar atmağa çağırıb. O, İran səfirlərinin ölkələrdən çıxarılmasından tutmuş, iranlı vətəndaşlara bloklanmış internetə çıxış əldə etməkdə yardım göstərilməsinə qədər müxtəlif təkliflər irəli sürüb.

“Bütün atəşkəs və danışıqlar konsepsiyası hələ də belə bir təsəvvürə əsaslanır ki, guya siz birdən-birə praqmatik olmuş insanlarla iş görəcəksiniz”, – deyə o bildirib.

İsveç və İtaliyadan sonra Almaniyaya səfər edən Pəhləvi əlavə edib: “Mən düşünmürəm ki, bu baş verəcək”, – deyərək İranın mövcud rəhbərliyini “eyni mexanizmin fərqli tərəfləri” adlandırıb.