Tramp İranla atəşkəsin bitmə müddətini müəyyən etməyib - "Ağ Ev"

ABŞ Prezidenti Donald Tramp İranla atəşkəs rejiminin başa çatması üçün konkret vaxt müəyyən etməyib.

"PostMedia" xəbər verir ki, bu barədə "Ağ Ev"də bildirilib.

Mətbuat katibi Kerolayn Livitin sözlərinə görə, guya “üç-beş günlük pəncərə” ilə bağlı yayılan məlumatlar həqiqəti əks etdirmir.

O vurğulayıb ki, atəşkəsin müddəti ilə bağlı yekun qərarı şəxsən Tramp verəcək. Hazırda isə o, sülh razılaşması üçün ABŞ-ın təklif etdiyi şərtlərlə bağlı İran rəhbərliyindən “vahid cavab” gözləyir.