Bütöv bir kənd 40 milyon manata satışa çıxarılıb

İrlandiyanın Kildare qraflığında yerləşən “Village at Lyons” adlı bütöv kənd satışa çıxarılıb.

"PostMedia" xəbər verir ki, təxminən 20 milyon avro (təxminən 40 milyon manat) qarşılığında alıcı Dublinin yaxınlığında yerləşən bu tarixi kompleksi əldə edə bilər.

Satışa çıxarılan əraziyə daş evlər, pab, kilsə, su dəyirmanı və kanal ərazisi daxildir. Kompleks uzun illər əvvəl tənəzzülə uğramışdı, lakin 1990-cı illərdə Toni Ryan tərəfindən aparılan bərpa işləri ilə yenidən dirçəldilib və tarixi görünüşü qorunub saxlanılıb.

Daha sonra, 2016-cı ildən etibarən əmlak investor Berri O Kallaqan tərəfindən satın alınıb və burada lüks “Cliff at Lyons” oteli fəaliyyətə başlayıb.

Hazırda kənd yalnız daşınmaz əmlak kimi deyil, eyni zamanda hazır turizm və otel biznesi layihəsi kimi təqdim olunur. Yeni sahib ərazini həm şəxsi rezidensiya, həm də hotellə inteqrasiya olunmuş kompleks kimi istifadə edə bilər.