Tramp jurnalistlərlə danışmazdan əvvəl "McDonald’s" çatdırılmasını “səhnələşdirib”

ABŞ Prezidenti Donald Tramp jurnalistləri "Ağ Ev"in qərb qanadına gözlənilmədən dəvət etdikdən bir müddət sonra qapını açaraq "McDonald’s" yeməkləri olan iki böyük çanta daşıyan və üzərində “DoorDash nənəsi” yazılmış sviter geyinmiş bir qadını qarşılayıb.

"PostMedia" xəbər verir ki, bu barədə CNN məlumat yayıb.

“Bu, səhnələşdirilmiş kimi görünmür, elə deyilmi?”, – deyə Tramp toplaşan jurnalistlərə sual verib.

Daha sonra o, təxminən 15 dəqiqə ərzində İranla müharibə, həftəsonu uğursuz danışıqlar, Hörmüz boğazı və Roma papası XIV Leonun tənqidləri ilə bağlı sualları cavablandırıb.