Epşteyn işi ilə bağlı yeni sənədlər yayılıb - Trampın adı keçir

ABŞ-də Epşteyn işi ilə bağlı hələ də açıqlanmamış sənədlər yayımlanıb və onlar Donald Tramp əleyhinə ittihamları da əhatə edir.

"PostMedia" "Sky News"a istinadən xəbər verir ki, ABŞ Ədliyyə Nazirliyi FBI sənədlərini açıqlayıb.

Bu sənədlər Tramp əleyhinə cinsi təcavüz iddialarına aiddir və Epşteyn işi üzrə əvvəlki açıqlanan materiallarda mövcud deyildi.

Ədliyyə Nazirliyi bildirib ki, əvvəl itkin hesab edilən sənədlər yanlışlıqla “təkrar nüsxə” kimi qeyd olunub və buna görə də ictimaiyyətə təqdim edilməyib. Nazirlik sonra bu səhvi düzəldib.

Sənədlərdə FBI tərəfindən aparılmış üç ayrı müsahibənin xülasələri və bir qadınla bağlı qeydlər var. Qadın iddia edir ki, o, Cefri Epşteyn tərəfindən cinsi təcavüzə məruz qalıb və ABŞ-nin o dövrdəki prezidenti tərəfindən zorakılığa məruz qaldığını bildirir.

2019-cu ildə, Epşteyn həbs edildikdən sonra, Cənubi Karolina sakini qadın hüquq-mühafizə orqanları ilə əlaqə saxlayıb. O iddia edib ki, milyarder finansçı ona "Hilton Head" adasında 13 yaşında ikən hücum edib.

Qadın (adının açıqlanmadığı bildirilir) deyir ki, ona Epstein və bir neçə köməkçisi, o cümlədən iddia etdiyi kimi, Tramp tərəfindən zorakılıq göstərilib.

Əvvəlcə Epşteyn işi üzrə yayımlanan sənədlər yalnız 24 iyul tarixli FBI müsahibəsinin xülasəsini əhatə edirdi, ümumilikdə isə dörd müsahibə aparılıb. O zaman Tramp əleyhinə heç bir ittiham qeyd edilməmişdi.

Ədliyyə Nazirliyi bir daha xəbərdarlıq edib ki, Epstein işi ilə bağlı sənədlər təsdiqlənməmiş və saxta iddialar daşıya bilər:
“Bu sənəd saxta görüntülər, sənədlər və ya videolar ehtiva edə bilər”, – deyə nazirlik bildirib.