İsrailin baş konsulu Tramp və Netanyahuya Sülh Nobel Mükafatı verilməsini təklif edib

ABŞ Prezidenti Donald Trump və İsrailin Baş naziri Benyamin Netanyahu İran əleyhinə hərbi əməliyyatlara görə Sülh Nobel Mükafatına layiq görülməlidirlər.

"PostMedia" xəbər verir ki, bu barədə Nyu-Yorkda İsrailin baş konsulu Ofir Akunis açıqlama verib.

“Düşünürəm ki, Prezident Tramp və Baş nazir Benjamin Netanyahu Sülh Nobel Mükafatını almağa layiqdir. Ümid edirəm ki, Prezident Tramp və Baş nazir Netanyahu gələn il Sülh Nobel Mükafatını alacaqlar. Onlar buna layiqdirlər,” – deyə o, Fox News-ə verdiyi müsahibədə bildirib.

Akunis danışarkən 1978-ci ilin tarixi hadisələrini xatırladıb; həmin il mükafat Anwar Sadat və Menachem Begin-ə verilmişdi. Siyasi xadimlər bu mükafatı sülh sazişləri imzaladıqları üçün almışdılar.