Duş qəbul edərkən etdiyimiz 7 səhv - həkimlər nə tövsiyyə edir

Düşünürsünüz ki, düzgün yuyunma haqqında hər şeyi bilirsiniz? Yenidən düşünün. Hətta duş qəbul etməyin də incə məqamları var və bir çox insan bunlardan xəbərsizdir.

Dermatoloq və ailə həkimlərinin məsləhətləri əsasında ən çox rast gəlinən səhvləri təqdim edirik:

1. Yanlış gigiyenik vasitələrdən istifadə
Həddindən artıq çox və güclü tərkibli vasitələr dəriyə zərər verə bilər. Antibakterial sabunlar və güclü ətirli gellər dərini qıcıqlandırır və onun mikrobiomunu pozur. Şampunu bədən üçün istifadə etməyin. Sadə və yumşaq sabunlar daha faydalıdır.

2. Çox isti su ilə duş
İsti su dərinin təbii yağ qatını məhv edir və ürək-damar sistemini yükləyir. İlıq su dərinin nəmini qoruyur və onu qıcıqlandırmır.

3. Dəsmal və süngərləri tez-tez dəyişməmək
Eyni dəsmalı uzun müddət istifadə etmək bakteriyaların çoxalmasına şərait yaradır. Dəsmalları hər istifadədən sonra yumaq, süngərləri isə 3–4 həftədən bir dəyişmək tövsiyə olunur.

4. Həddindən artıq sürtmə
Sərt sürtmə dərinin qoruyucu qatını zədələyir və infeksiya riskini artırır. Yüngül yuyunma kifayətdir.

5. Saçların səhv yuyulması
Şampun baş dərisi, kondisioner isə saç telləri üçündür. Kondisioneri saç dibinə çəkmək yağlanmanı artırır. Şampunu yalnız dibinə, kondisioneri isə saçın uzunluğuna tətbiq edin.

6. Yanlış vaxtda duş qəbul etmək
İntensiv idmandan dərhal sonra duş qəbul etməyin. Bədənin soyuması və nəbzin normallaşması üçün 5–10 dəqiqə gözləyin.

7. Yanlış nəmləndirici krem seçimi
Duşdan sonra ilk 3 dəqiqə ərzində dəriyə nəmləndirici çəkin. Qliserin, şi yağı və hialuron turşusu tərkibli kremlər dərinin qoruyucu qatını bərpa etməyə kömək edir.