Netanyahuya poçtla içərisində naməlum maddə olan ampula göndəilib

İsrailin baş naziri Benyamin Netanyahu poçt vasitəsilə içərisində naməlum maddə olan ampula paketləri alıb.

"PostMedia" xəbər verir ki, "Maariv" qəzetinin məlumatına görə, Netanyahu ofisinin əməkdaşları şübhəli zərf aşkar edib. Zərfdə naməlum maddə ehtiva edən ampullar olub. "Ynet" xəbər portalının verdiyi məlumata görə, hazırda oradakı şəxslər üçün təhlükə yoxdur. Zərf laboratoriyaya göndərilib, ekspertizaya təqdim olunacaq.

"Bild"in yaydığı məlumatda deyilir ki, hökumətin mətbuat katibi media ilə əlaqə saxlayarkən hadisəni təsdiqləməkdən imtina edib və məsələnin İsrail polisinin səlahiyyətində olduğunu açıqlayıb. Polis hələ ampullar barədə açıqlama verməyib. Qeyd edək ki, 2025-ci ilin noyabrında təhlükəsizlik qüvvələri baş nazirin ofisində daha əvvəl şübhəli paket aşkar etmişdilər və onun məzmunu zərərsiz hesab edilmişdi.