Tibbi əməliyyatlada süni intellektin istifadəsinin artması təhlükəyə səbəb ola bilər

Tibbi avadanlıqlarda süni intellektin (Sİ) istifadəsinin artması ilə yanaşı, bu texnologiyalardan qaynaqlanan tibbi səhvlər barədə hesabatlar da artır.

"PostMedia" xəbə verir ki, bu barədə "Reuters" məlumat yayıb.

Acclarent şirkətinin "TruDi" sistemi, öyrədilən süni intellektlə təchiz edilmiş, burun, qulaq və boğaz cərrahiyyəsində istifadə olunur. Sistem burun ətrafı boşluqların üçölçülü vizuallaşdırılması və alətlərin optimal marşrutunun hesablanması məqsədilə tətbiq edilir. "TruSeg" və "TruPath" proqramları vasitəsilə Sİ anatomik strukturları avtomatik seqmentləşdirir və balon sinusoplastika zamanı kömək edir.

2021-ci ilin sonundan 2025-ci ilin noyabrına qədər ən azı 10 hadisə qeydə alınıb ki, bu zaman xəstələr "TruDi"dən əldə olunan səhv məlumatlara əsaslanan həkim səhvləri səbəbindən xəsarət alıblar. Hadisələrə böyük damarların zədələnməsi və baş sümüklərinin deşilməsi səbəbindən onurğa mayesinin sızması daxil olub. Texasda iki nəfər sistemdə Sİ istifadəsi ilə bağlı məhkəməyə müraciət edib.

Integra LifeSciences" "Acclarent"i idarə edən şirkət, Sİ ilə xəsarətlər arasında birbaşa əlaqəyə dair sübut olmadığını bildirir. ABŞ Qida və Dərman İdarəsi (FDA) xəbərdarlıq edir ki, onların hesabatları həmişə hadisənin səbəbkarını müəyyən etməyə imkan vermir.

2021-ci ildən 2025-ci ilin oktyabrına qədər FDA süni intellektlə işləyən tibbi cihazlarla bağlı 1,400-dən çox hesabat alıb. 115 halda proqram təminatı və ya alqoritmlərlə bağlı problemlər aşkar olunub, məsələn, prenatal ultrasəs müayinəsi zamanı dölün bədən hissələrinin səhv tanınması.

Tənzimləyici qurum Sİ sahəsində mütəxəssislərin azalması səbəbindən çətinlik çəkir. 2025-ci ildə Donald Trampın Ağ Evə qayıtmasından sonra bu qrup ləğv edilib və işçilərin bir qismi ayrılıb. Sİ ilə işləyən yeni cihazların xəstələr üzərində sınaqdan keçirilməsi tələb olunmur ki, bu da ekspertlərə görə riskləri artırır.

Vaşinqton Universitetinin müəllimi Aleksandr Everhart qeyd edir ki, istehsalçılar tez-tez yeni cihazları mövcud cihazların yenilənməsi kimi qeydiyyatdan keçirirlər. Onun fikrincə, FDA-nın tibbi məhsulların tənzimlənməsi üzrə ənənəvi yanaşması süni intellekt texnologiyalarının tam təhlükəsizliyini təmin etmir.