İtaliyada baş nazirə bənzəyən freska üzrə araşdırma başlayıb

İtaliyanın paytaxtı Roma şəhərindəki "San Lorenso in Lucina" kilsəsindəki freskanın bərpasından sonra mələyin üzünün ölkənin baş naziri Meloniyə bənzəməsi üzündən araşdırma başlayıb.

"PostMedia" xəbər verir ki, bu barədə BBC məlumat yayıb.

İtaliya Mədəniyyət Nazirliyi ekspertləri göndərərək freskanı yoxlayıb, Roma dini idarəsi isə həyəcanını ifadə edib və məsul şəxsləri müəyyənləşdirəcəyini vəd edib.

Rəssam Bruno Valentineti bildirib ki, o, sadəcə 2000-ci ildə çəkdiyi freskanı bərpa edib və mələyə baş naziri bənzətmək niyyəti olmayıb.