Romda Trevi fəvvarəsinə qəpik atmaq ödənişli olub

Romun məşhur Trevi fəvvarəsinə yaxınlaşıb xatirə üçün qəpik atmaq istəyən turistlər artıq 2 avro ödəməli olacaqlar.

"PostMedia" xəbər verir ki, bu barədə "Reuters" məlumat yayıb.

Yeni ödəniş fəvvarə ətrafında sıxlığı azaltmaq və onun saxlanılması üçün əlavə maliyyə təmin etmək məqsədi ilə tətbiq edilib.

Ödəniş hər gün saat 09:00-dan 21:00-dək alınır və yalnız fəvvarəyə yaxınlaşan turistlərə şamil olunur. 6 yaşdan kiçik uşaqlar, əlilliyi olan şəxslər və onların müşayiətçiləri ödənişdən azaddır. Trevi fəvvarəsinin yaxınlığındakı meydana giriş isə pulsuz qalır.

XVIII əsrin ortalarında inşa edilən Trevi fəvvarəsi Romanın ən məşhur görməli yerlərindən biridir. 2025-ci ildə fəvvarəni təxminən 10 milyon turist ziyarət edib.