Nikol Paşinyanın qızı biznesə başlayıb

Ermənistanın Baş naziri Nikol Paşinyanın qızı Mariam Paşinyan biznes fəaliyyəti ilə məşğul olmağa başlayıb.

"PostMedia" Ermənistan KİV-lərinə istinadən xəbər veirr ki, o, 2025-ci il sentyabrın 18-də “ATLİKS” QSC-ni təsis edib və şirkətə rəhbərlik edir.

“ATLİKS” şirkətinin 50 faiz payı Mariam Paşinyana məxsusdur. Digər 50 faizin sahibi onun tərəfdaşı Diana Arzuman­yandır. Diana Arzuman­yan eyni zamanda 2022-ci ildə İrəvanda texnoloji konfrans təşkil etmiş “Orion Worldwide Innovations” MMC-nin də həmtəsisçisidir. Həmin tədbirdə baş nazirin müavini Mher Qriqoryan, o dövrdə Yüksək Texnologiyalar Sənayesi naziri olan Robert Xaçatryan, Mərkəzi Bankın sədri Martin Qalstyan və digər rəsmi şəxslər iştirak etmişdilər.

“ATLİKS” şirkətinin fəaliyyət sahəsi xidmətlərin göstərilməsidir.