IDF: Son bir gündə İsrailə 6500 ton hərbi texnika idxal edilib

Son bir gün ərzində ölkəyə 6500 ton hərbi texnika, o cümlədən aviasiya və quru qoşunları üçün sursat gətirilib.

"PostMedia" xəbər verir ki, bu barədə İsrail Müdafiə Qüvvələri (IDF) məlumat yayıb.

Müdafiə qurumunun açıqlamasına görə, silah və texnika iki gəmi və bir neçə yük təyyarəsi vasitəsilə daşınıb. Daha sonra onlar ölkə ərazisində yerləşən hərbi bazalara paylanıb.

İsrael Kats bildirib ki, bu tədarüklər İsrail ordusunu “bütün zəruri vasitələrlə” təmin etməyə yönəlmiş tədbirlərin bir hissəsidir.

Onun sözlərinə görə, məqsəd “istənilən vaxt və lazım olan hər yerdə düşmənlərə qarşı tam güclə əməliyyatlara qayıtmaq” imkanını qorumaqdır.