“İranda hakimiyyəti tez devirmək mümkün deyil” – MKİ-nin sabiq əməkdaşı

ABŞ-nin Mərkəzi Kəşfiyyat İdarəsinin (MKİ) keçmiş əməkdaşı Con Kiriakou bildirib ki, İranda hakimiyyətin sürətlə çökəcəyi ilə bağlı fikirlər real deyil.

Onun sözlərinə görə, bu yanaşmanı Donald Tramp yalnız Benyamin Netanyahudan eşitmiş ola bilər.

”PostMedia” xəbər verir ki, Kiriakou bu fikirləri “Tucker Carlson”a verdiyi müsahibədə səsləndirib.

“MKİ-nin təhlili onilliklərdir dəyişməyib. Biz sadəcə raketlər ataraq 93 milyon əhalisi olan ölkədə hakimiyyəti devirmək gücündə deyilik. Bu mümkün deyil. Onlar öz rəhbərlikləri ətrafında birləşəcəklər, çünki biz onlar üçün yadıq”, – deyə o qeyd edib.