Tramp Hörmüz boğazına nəzarəti ələ keçirməyi “düşündüyünü” bildirib

ABŞ Prezidenti Donald Tramp Hörmüz boğazına nəzarəti ələ almaq imkanını nəzərdən keçirdiyini bildirib.

"PostMedia" xəbər verir ki, o, "CBS News" telekanalına müsahibəsində deyib ki, dünyanın ən vacib enerji marşrutlarından biri hesab olunan Hörmüz boğazı hazırda açıqdır.

Bu boğaz vasitəsilə dünya üzrə neft tədarükünün təxminən beşdə biri daşınır. Bununla belə, "Ağ Ev" hələ də boğaz üzərində nəzarəti ələ keçirmək məsələsini “düşünür”.

Tramp qeyd edib ki, ABŞ bu boğazla bağlı “çox şey edə bilər” və əgər İran gəmiçiliyin hərəkətinə mane olarsa, bunun ciddi nəticələri olacaq.

“Onlar bacardıqları hər şeylə atəş açıblar və yaxşı olar ki, yenidən cəhd etməsinlər, əks halda bu, həmin ölkənin sonu olacaq. Əgər onlar hansısa pis addım atsalar, bu, İranın sonu olacaq və siz bir daha bu adı eşitməyəcəksiniz”, – deyə Tramp bildirib.

ABŞ prezidenti əlavə edib ki, boğaz hazırda açıqdır və gəmilər oradan keçməyə davam edir, lakin o, boğaza nəzarəti ələ keçirmək imkanını hələ də nəzərdən keçirdiyini vurğulayıb.