Pete Heqset: "ABŞ-nin İranda kürd müxalifətini silahlandırmaq planı yoxdur"

ABŞ-nin müdafiə naziri Pit Heqset mediada yayılan, İran əleyhinə mümkün quru əməliyyatında iştirak üçün kürd müxalif qüvvələrinin silahlandırılması planları barədə məlumatları təsdiqləməkdən imtina edib.

"PostMedia" xəbər verir ki, bu barədə Heqset Pentaqonda keçirilən mətbuat konfransında bildirib:
“Sadəcə onu deyə bilərəm ki, məqsədlərimiz hər hansı konkret qrupa dəstək və ya təchizatla bağlı deyil. Digər tərəflərin nə etdiyini bilirik, lakin bizim prioritetlərimiz başqa müstəvidədir.”

Çərşənbə günü CNN anonim rəsmi mənbəyə istinadən xəbər vermişdi ki, İranın kürd müxalif qüvvələri yaxın günlərdə ölkənin qərbində mümkün quru əməliyyatında iştirak edə bilər. Telekanalın məlumatına görə, Mərkəzi Kəşfiyyat İdarəsi (MKİ) guya İranda xalq üsyanını təşviq etmək məqsədilə kürd qüvvələrinin silahlandırılması istiqamətində çalışır.

ABŞ rəsmiləri isə bu iddiaları rəsmi şəkildə təsdiqləməyiblər.