Kim Çen Inin bacısının vəzifəsi yüksəldilib

Şimali Koreya lideri Kim Çen Inin bacısı Kim Yo Çjonq Koreya Fəhlə Partiyasının hazırkı qurultayında vəzifə yüksəlişi alıb. O, direktor müavini postundan partiyanın Mərkəzi Komitəsinin şöbə müdiri vəzifəsinə təyin edilib.

"PostMedia" xəbər verir ki, bu barədə KCNA agentliyi məlumat yayıb.

Kadr dəyişiklikləri Partiyanın IX Mərkəzi Komitəsinin ilk plenar iclasından sonra elan olunub. Kim Yo Çjonq Mərkəzi Komitənin 17 yeni şöbə rəhbəri siyahısına daxil edilib.

Fevralın 19-da başlayan qurultayda 2021-ci ildən bəri ölkənin inkişafı qiymətləndirilir və növbəti beş il üçün əsas hədəflər müəyyənləşdirilir.