Mbappe barmağını sındırıb

İspaniya çempionatının ikincisi “Real Madrid” klubunun fransalı hücumçusu Kilian Mbappe “Selta” ilə La Liqanın 15-ci tur matçında sol əlinin barmağını qırıb.

“PostMedia” xəbər verir ki, bu barədə AS nəşri məlumat yayıb.

Məlumata görə, futbolçu barmağı qırıq vəziyyətdə oyunu davam etdirib. Real Madrid həmin görüşü 0:2 hesabı ilə uduzub.

Mbappe dekabrın 10-da keçiriləcək Çempionlar Liqasının 6-cı turunda İngiltərənin “Manchester City” komandasına qarşı matçda iştirak edə biləcək.

Cari mövsümdə Mbappe 25 oyunda iştirak edib, 30 qol vurub və 7 məhsuldar ötürmə edib.