İtaliyada keçirilən Oyunlarda rusiyalı paralimpiyaçılara "Samsung smartfonları verilməyib

Rusiyalı paralimpiyaçılara İtaliyada keçirilən oyunlarda ənənəvi olaraq təqdim edilən Samsung smartfonları verilməyib.

"PostMedia"nın məlumatına bu barədə TASS-a mənbə məlumat verib.

"Samsung smartfonları adətən Olimpiya və Paralimpiya oyunlarının iştirakçılarına beynəlxalq olimpiya və paralimpiya hərəkatının tərəfdaşları tərəfindən təqdim olunan hədiyyə paketinə daxil olur. Lakin İtaliyada keçirilən oyunlarda rusiyalı idmançılar bu cihazları almayıblar.

Bundan əvvəl oxşar vəziyyət 2024-cü ildə Parisdə keçirilən Olimpiya və Paralimpiya oyunlarında da baş vermişdi – həmin vaxt da rusiyalı idmançılara smartfonlar təqdim olunmamışdı.

Qış Paralimpiya oyunları İtaliyada 6–15 mart tarixlərində keçirilir. İdmançılar altı idman növü üzrə 79 medal dəsti uğrunda mübarizə aparırlar. Rusiya yığmasını bu oyunlarda ölkə bayrağı altında çıxış edən altı idmançı təmsil edir.