İran sərhəddində toquşma olub

İran sərhəddə baş verən toqquşma zamanı üç təhlükəsizlik əməkdaşının və bir mülki şəxsin həlak olduğunu bildirib.

"PostMedia" xəbər verir ki, İranın cənub-şərqində yerləşən Faxrac bölgəsindəki nəzarət-buraxılış məntəqəsində baş verən silahlı toqquşma zamanı hüquq-mühafizə orqanlarının üç iranlı əməkdaşı və bir mülki şəxs ölüb. Bu barədə Mehr agentliyi yerli hakimiyyət orqanlarına istinadən xəbər verir.

İslam İnqilabı Keşikçiləri Korpusunun (SEPAH) Quru Qoşunları Qərargahının ictimaiyyətlə əlaqələr şöbəsinin Qüds bölgəsində yaydığı bəyanata görə, hadisə bazar ertəsi səhər tezdən Kerman vilayətinin Faxrac rayonunun girişində yerləşən postda baş verib. Silahlı şəxslər burada hüquq-mühafizə orqanlarının nümayəndələri ilə toqquşublar.

Toqquşma Zahidan–Faxrac avtomobil yolunda qeydə alınıb.

Hakimiyyət orqanları bildiriblər ki, hazırda hadisə təhlükəsizlik və hüquq-mühafizə strukturları tərəfindən araşdırılır.