Alimlər iki ulduz ətrafında fırlanan planetin ilk birbaşa görüntülərini əldə ediblər

Beynəlxalq tədqiqatçılar Canavar bürcündə yerləşən "HD 143811" qoşa ulduz sistemində yeni “tatuin” planetinin ilk birbaşa fotolarını çəkiblər. "PostMedia" xəbər verir ki, Planetin kütləsi Yupiterdən 5,6 dəfə böyükdür və o, öz ulduzlarından cəmi 64 astronomik vahid məsafədə yerləşir. Bu göstərici digər analoji planetlərdən 6 dəfə daha yaxındır.

Tədqiqatçılar hesab edir ki, planet çox gəncdir (13 milyon il) və böyük ehtimalla elə formalaşdığı yerdə qalıb, digər “tatuin”lər kimi orbitini sonradan dəyişməyib. Kəşf 2016–2019-cu illərin arxiv görüntülərinin yeni metodlarla təhlili nəticəsində ortaya çıxıb.