“Revolut” ödəniş sistemi Azərbaycan banklarını bloklayıb

“Revolut” rəqəmsal bankı Fransadakı müştərilərinə yeni məhdudiyyətlərlə bağlı bildiriş göndərib

“PostMedia” xəbər verir ki, bununla bağlı məlumatı “Oninvest” yayıb.

Bankın məktubunda qeyd olunur ki, artıq 50-dən çox ölkənin bank kartlarından “Revolut” hesablarına vəsait yükləmək mümkün olmayacaq.

Siyahıya daxil olan ölkələr arasında Azərbaycan, Ermənistan, Gürcüstan, Rusiya, Çin, Suriya, İran, Əfqanıstan, Şimali Koreya, Honq Konq, İraq, İsrail, Qazaxıstan, Qırğızıstan, Pakistan, Türkiyə, Belarus, Serbiya və digər ölkələr də var.

“Revolut” bildirib ki, şirkət fəaliyyət göstərdiyi bütün yurisdiksiyalarda BMT, Avropa İttifaqı, Böyük Britaniya, ABŞ və digər dövlətlərin sanksiya qanunlarını və tənzimləmələrini icbari qaydada tətbiq etməlidir.