Gürcüstanın baş naziri azərbaycanlı sürücülərin sərhəddə qalmasına münasibət bildirib

Gürcüstanın baş naziri İrakli Kobaxidze azərbaycanlı sürücülərin Batumi və Tbilisi gömrük-keçid məntəqələrində saxlanılması ilə bağlı yayılan məlumatlara münasibət bildirib.

"PostMedia" xəbər verir ki, o, siqaret daşıyan yük maşınları 20 gündən artıq süni şəkildə gecikdirilməsi ilə bağlı yayılan məlumatları təkzib edib.

Kobaxidze bildirib ki, belə bir hal qeydə alınmayıb və yalnız bir avtomobil müəyyən səbəbə görə saxlanılıb. “Biz hər hansı çətinliyi dostcasına müzakirə etməyə hazırıq”, – deyə o qeyd edib.

Azərbaycanın Gürcüstandakı səfirliyi insidentin baş verdiyini təsdiqləyib və məsələnin həlli üçün gürcü tərəfi ilə işlədiklərini bildirib.