Paşinyan: "Qarabağa qayıdış mövzusu olmayacaq"

"Mən zəmanət verirəm ki, bizim hakimiyyət dövründə belə bir şey olmayacaq".

"PostMedia" xəbər verir ki, bunu mayın 22-də jurnalistlərlə görüş zamanı məzuniyyətdə olan Ermənistanın baş naziri, “Vətəndaş Müqaviləsi” siyahısına rəhbərlik edən Nikol Paşinyan bildirib. O, 300 azərbaycanlının Ermənistana qayıtmayacağına zəmanət verib-vermədiyi barədə suala cavab verib.

“Bu yalandır. Mən deyirəm ki, Dağlıq Qarabağ məsələsi bağlanıb, Qarabağ məsələsi davam etməyəcək, qayıdış mövzusu Qarabağ olmayacaq, qayıdış mövzusu Naxçıvan olmayacaq, qayıdış mövzusu Bakı olmayacaq, qayıdış mövzusu Sumqayıt olmayacaq, qayıdış mövzusu Gəncə olmayacaq, qayıdış mövzusu Yevlax olmayacaq, qayıdış mövzusu Çaykənd olmayacaq və sair. Bəli, zəmanət verirəm, bu absurddur, bu münaqişə mövzusudur, bu sülh mövzusu deyil.

Siz dediniz ki, bu seçki kampaniyasının əsas mövzularından biridir, mənim üçün bu yenilikdir. Yenə deyirəm, bu yalandır və mən zəmanət verirəm”, — o bildirib.