Kim Kardaşyan və Levis Hamilton gizli eşq yaşayırlar

Kim Kardaşyan və "Formula 1" pilotu Levis Hamiltonun gizli eşq yaşadığı üzə çıxıb.

"PostMedia" KİV-lərə istinadən xəbər verir ki, ulduzlar Böyük Britaniyada birlikdə romantik istirahət günləri keçirdiblər.

45 yaşlı amerikalı televiziya ulduzu bu həftə Hamilton ilə vaxt keçirmək üçün Böyük Britaniyaya uçub. Mənbələr bildirir ki, cütlük məşhur şəxslərin sevimli məkanlarından biri olan "Cotswolds"dəki lüks "Estelle Manor" kompleksində qalıb.

Daxili mənbələrə görə, Kim və Levis təcrid olunmuş mühitdə nahar edib və spa xidməti alıblar. Kardaşyan öz şəxsi təyyarəsi ilə Britaniyaya uçub və yeni sevgilisi ilə cəmi 24 saat keçirib. Bütün müddət ərzində onlara təhlükəsizlik əməkdaşları müşayiət edib.