ABŞ indi də Beynəlxalq Enerji Agentliyini üzvlükdən çıxmaqla hədələyib

ABŞ əgər Beynəlxalq Enerji Agentliyi (IAE) bərpa olunan enerji üzrə öhdəliyini davam etdirərsə, agentlikdən çıxacağını bildirib.

"PostMedia" xəbər verir ki, bu barədə ABŞ Energetika naziri Kris Rayt Fransada Beynəlxalq Münasibətlər İnstitutunda keçirilən konfransda "Politico"ya açıqlama verib.

“Əgər məlumat verən agentliklərin əhəmiyyətli hissəsi belə sol yönümlü fantaziyalara həsr olunarsa, bu yalnız onların missiyasını təhrif edə bilər".

O əlavə edib: “Bizə sıfır emissiya ssenarisi lazım deyil. Bu gülüncdür və heç vaxt baş verməyəcək”.