Prezident İlham Əliyev Heydər Əliyev Fondunun Vyetnamla humanitar münasibətlərin dərinləşməsində xüsusi rola malik olduğunu və bu istiqamətdə fəal surətdə kömək etdiyini bildirib.
"PostMedia" xəbər verir ki, dövlət başçısı bu fikirləri "Vyetnam Xəbər Agentliyi"nə (VNA) müsahibəsində səsləndirib.
Prezident vurğulayıb ki, Fondun fəaliyyət istiqamətləri Ha Giang əyalətində ibtidai məktəbin tikintisi də daxil olmaqla infrastruktur təşəbbüslərindən tutmuş müxtəlif təhsil proqramlarının dəstəklənməsinə qədər geniş spektri əhatə edir.