Kadırov Çeçenistan rəhbəri seçkilərində 99,85% səs toplayıb

Bülletenlərin 100%-nin hesablanmasından sonra Çeçenistan Respublikasının hazırkı rəhbəri Ramzan Kadırov region rəhbəri seçkilərində qalib gəlir.

"PostMedia" xəbər verir ki, bu barədə Rusiya Mərkəzi Seçki Komissiyasının məlumatında bildirilir.

Onlayn tablonun məlumatına görə, bülletenlərin 100%-i hesablandıqdan sonra Kadırov səslərin 99,85%-ni toplayıb. Digər iki namizədin hər biri 0,05% səs əldə edib.

Bu il Çeçenistan Respublikasının rəhbəri postuna üç namizəd mübarizə aparıb. Onlar hazırkı rəhbər Ramzan Kadırov ("Vahid Rusiya"), Çeçenistan Respublikasının İctimai Palatasının sədri İsmayıl Denilxanov ("Ədalətli Rusiya") və region parlamentinin deputatı Xalid Nakayevdir (Rusiya Federasiyası Kommunist Partiyası).