Mərkəzi Bank "HERMES Bank olmayan kredit təşkilatı" MMC-yə kreditlərin verilməsi ilə məşğul olmaq hüququ verən lisenziya verib.
"PostMedia" xəbər verir ki, bu barədə Mərkəzi Bank məlumat yayıb.
Lisenziya Mərkəzi Bankın İdarə Heyətinin qərarı ilə "Bank olmayan kredit təşkilatları haqqında" Azərbaycan Respublikasının Qanununa əsasən verilib.
Lisenziya cəmiyyətə kreditlərin verilməsi, habelə qanunda nəzərdə tutulmuş digər fəaliyyət növləri ilə qanunvericiliyə müvafiq qaydada məşğul olmaq hüququ verir.