Bloomberg: ABŞ-nin təzyiqindən sonra İran rəsmisinin MAQATE konfransına girişinə icazə verilməyib

ABŞ-nin təzyiqindən sonra Avstriya İran Atom Enerjisi Təşkilatının rəhbəri və ölkənin vitse-prezidenti Məhəmməd Eslaminin MAQATE-nin Baş Konfransında iştirak etmək üçün ölkəyə girişinə icazə verməyib.

"PostMedia" xəbər verir ki, bu barədə "Bloomberg" anonim ABŞ rəsmisinə istinadən məlumat yayıb.

"Bloomberg"in məlumatına görə, Eslaminin bazar ertəsi Vyanada keçiriləcək tədbirdə çıxış etməsi planlaşdırılırdı. Lakin Avstriya onun ölkəyə girişini rədd edib.

Agentliyin istinad etdiyi ABŞ rəsmisinin sözlərinə görə, Eslamiyə BMT tərəfindən sanksiya məhdudiyyətlərindən azad edilməsinə dair tələb olunan icazənin verilməməsi ABŞ-ın çağırışlarından sonra baş verib.

Məlumata görə, bu qərar Eslamiyə MAQATE-nin Baş Konfransında iştirak etmək imkanının qarşısını alıb.