"Bloomberg": Kremlin əməkdaşları aktivlərini xaricə çıxarır və dostlarını Rusiyanı tərk etməyə çağırırlar

Rusiyada bu həftəsonu keçiriləcək parlament seçkilərindən sonra ölkə Prezidenti Vladimir Putinin Ukraynadakı müharibədə iştirak üçün yaxın zamanda yeni genişmiqyaslı səfərbərlik elan edə biləcəyi ilə bağlı narahatlıqlar artır.

"PostMedia" xəbər verir ki, bu barədə "Bloomberg" agentliyi məlumat yayıb.

Bildirilir ki, bu narahatlıqları hətta Kremlin əməkdaşları və hərbi komissarlıqların işçiləri də bölüşürlər.

"Bloomberg"in əldə etdiyi sənədlərdən məlum olduğu kimi, onlar son aylarda xarici banklarda hesablar açmağa və aktivlərini xaricə çıxarmağa çalışır, eyni zamanda dostlarını və qohumlarını Rusiyanı tərk etməyə çağırırlar.