Azərbaycan Prezidenti İlham Əliyev Bolqarıstanda baş vermiş ağır yol-nəqliyyat hadisəsi ilə əlaqədar Bolqarıstan Prezidenti İliyana Yotovaya başsağlığı məktubu ünvanlayıb.
"PostMedia" xəbər verir ki, bu barədə Azərbaycan Prezidentinin rəsmi saytında məlumat yerləşdirilib.
Məktubda deyilir:
Bolqarıstan Respublikasının Prezidenti Zati-aliləri xanım İliyana Yotovaya
Bolqarıstanda baş vermiş ağır yol-nəqliyyat hadisəsi nəticəsində insanların həlak olması və yaralanması xəbəri bizi dərindən kədərləndirdi.
Bu faciə ilə əlaqədar Sizə, həlak olanların ailələrinə və yaxınlarına, dost xalqınıza öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm.