Səudiyyə Ərəbistanı husilərə qarşı müharibədə Böyük Britaniyadan da yardım istəyib

Böyük Britaniyanın Baş naziri Endi Börnhem Yəmən husilərinin hücumlarına qarşı mübarizədə Səudiyyə Ərəbistanına yardım göstərilməsi imkanını nəzərdən keçirir.

"PostMedia" xəbər verir ki, bu barədə "Bloomberg" məlumat yayıb.

Mənbələrin bildirdiyinə görə, Səudiyyə Ərəbistanı Böyük Britaniyadan müxtəlif növ diplomatik və hərbi dəstək istəyib.

Müraciətlərin, xüsusilə, krallığın silahlı qüvvələrinə operativ dəstəyin göstərilməsi, husilərin Qırmızı dəniz sahili boyunca strateji əhəmiyyət daşıyan Bab əl-Məndəb boğazı istiqamətində irəliləməsinin qarşısının alınması, eləcə də neft infrastrukturu obyektlərinin mümkün hücumlardan qorunmasına yardım göstərilməsi ilə bağlı olduğu bildirilir.

Məlumata görə, Böyük Britaniyada münaqişənin genişlənməsi nəticəsində iqtisadi zərərin daha da artması ilə bağlı narahatlıqlar güclənir.

Qeyd edək ki, daha əvvəl Israel Hayom Səudiyyə Ərəbistanının husilərə qarşı müharibədə İsraildən də yardım istədiyini yazmışdı.

Riyadın müxtəlif ölkələrdən dəstək axtarması Yəməndəki münaqişənin regional və iqtisadi təsirlərinin genişlənməsi ilə bağlı narahatlıqları artırır.