Rubinyan Ermənistana keçən Azərbaycan hərbçisi haqqında: "Aydındır ki, söhbət təxribatdan getmir"

"Azərbaycan hərbçisinin hansı şəraitdə Ermənistan ərazisinə keçdiyi hələ müəyyənləşdirilməlidir. Onun fərari olduğu, yoxsa yolu azdığı araşdırılmalıdır. Mən fərari olduğunu güman edirəm, amma bu, yalnız ehtimaldır".

"PostMedia" xəbər verir ki, bunu oktyabrın 6-da Ermənistan parlamentində jurnalistlərə açıqlamasında Milli Assambleyanın spikeri Ruben Rubinyan deyib.

"Amma aydındır ki, söhbət təxribatdan getmir. Çünki təxribat olsaydı, Azərbaycan tərəfi əvvəlcədən Ermənistan tərəfinə hərbçilərindən birinin itkin düşdüyünü və onun sizin ərazinizdə peyda ola biləcəyini bildirməzdi. Təxribat zamanı belə hərəkət etmirlər. Buna görə də yaxşı xəbər odur ki, Azərbaycanın məqsədyönlü müdaxiləsindən söhbət getmir. Söhbət ayrı-ayrı bir hərbçinin Ermənistan sərhədini qanunsuz keçməsindən gedir. Bunun necə baş verdiyi isə araşdırılacaq", - Rubinyan bildirib.