Tanınmış müğənninin konsertində tamaşaçı yatdı - "Laylay albom"u çıxaracağını bildirdi

25-noyabr-2025, 19:18

Yazı Ölçüsü:

Amerikalı müğənni Nikol Şerzinger son konsertində baş verən gözlənilməz anı yumorla qarşılayıb.

"PostMedia "əxəbər verir ki, noyabrın 23-də Los-Ancelesdəki "Walt Disney Concert Hall"da etdiyi çıxışdan sonra o, "Instagram"da bir video paylaşıb.

Kadrlarda ilk sırada oturan bir tamaşaçının dərin yuxuya getdiyi görünür.

Qısa videoda eynəkli kişi kresloda arxaya söykənərək, ağzı açıq şəkildə mürgüləyir – elə həmin anda Şerzinger səhnədə ifasını səsləndirir.

Şerzinger video üzərində belə yazıb:

“Gözləyin… bu, mənim beşik mahnıları (laylay) albomu çıxarmalı olduğumun işarəsidir?”

O, bu zarafatı postun açıqlamasında da təkrarlayıb: “Beşik mahnıları albomu tezliklə gəlir”.

Video sosial şəbəkələrdə sürətlə yayılıb. Həm fanatlar, həm də bir sıra məşhurlar şərhlər bölümündə müğənninin zarafatına qoşularaq onun “gecə rahat yatmağa kömək edən mahnılar” ideyasına dəstək göstəriblər.