Mabel Matiz ifadə verib

Türkiyəli tanınmış müğənni Mabel Matiz ifadə verib.
“PostMedia” Türkiyə KİV-lərinə istinadən xəbər verir ki, Məşhur müğənni Mabel Matiz-in “Perperişan” adlı mahnısı ilə bağlı başlatılan istintaq çərçivəsində o, ifadə vermək üçün İstanbul Ədliyyəsinə gedib.
Xatırladaq ki, bir neçə gün əvvəl Ailə və Sosial Xidmətlər Nazirliyi mahnının “ictimai asayişə və ümumi sağlamlığa zidd olduğu” səbəbi ilə ona girişin məhdudlaşdırılması barədə müraciət etmişdi. Ardınca isə Daxili İşlər Nazirliyi məsələ ilə bağlı açıqlama yayaraq müğənni barəsində Türk Cinayət Məcəlləsinin 226-cı maddəsi üzrə İstanbul Baş Prokurorluğuna şikayət təqdim edildiyini bildirmişdi.
Bu gün Mabel Matiz ifadə vermək üçün İstanbul Ədliyyə Sarayına gəlib. Onun polis müşayiəti ilə binaya daxil olması “Həbs qərarı varmı?” suallarını gündəmə gətirsə də, Baş Prokurorluq açıqlama yayaraq hər hansı bir həbs qərarının olmadığını, yalnız ifadəsinin alınacağını bildirib.
Matiz ifadə verdikdən sonra ədliyyədən ayrılıb.