Transgender idmançıların qadın yarışlarında iştirakı qadağan edilib

Beynəlxalq Olimpiya Komitəsi (IOC) transgender şəxslərin qadın yarışlarında iştirakını qadağan edib.

"PostMedia" xəbər verir ki, bu barədə qurumun açıqlamasında deyilir.

Məlumata görə, olimpiya oyunlarında və IOC tərəfindən tanınan idman növlərinin qadınlar üzrə fərdi və komanda yarışlarında yalnız bioloji qadınlar iştirak edə biləcək. Cinsin müəyyən edilməsi üçün SRY geninin mövcudluğunu yoxlayan test tətbiq olunacaq.

Qərar 2028-ci ildə keçiriləcək Los-Anceles Olimpiya Oyunlarından etibarən qüvvəyə minəcək. Bu addım qadın yarışlarında ədalətin, təhlükəsizliyin və dürüstlüyün təmin edilməsinə yönəlib.

Qərarın geriyə qüvvəsi yoxdur və həvəskar və ya reabilitasiya məqsədli idman proqramlarına şamil edilmir.