Robert Köçəryanın oğlu 2 ay müddətinə həbs edilib

Ermənistanın ikinci prezidenti Robert Köçəryanın oğlu Sedrak Köçəryan 2 ay müddətinə həbs edilib.

”PostMedia” xəbər verir ki, bu barədə vəkil Aleksandr Koçubayev məhkəmənin qarşısında jurnalistlərə açıqlamasında bildirib.

Vəkilin sözlərinə görə, Sedrak Köçəryanın görüşmək hüququ da məhdudlaşdırılıb. Yalnız həyat yoldaşı və uşaqları ilə görüşməsinə icazə verilib.

“Burada biz hüquqdan kənar təqiblə, siyasi konteksti olan təqiblə üz-üzəyik”, - deyə müdafiəçi bildirib.