Aİ-də Ermənistanda dərin iqtisadi böhranın qaçılmaz olacağını anlayırlar - Rəsmi Moskva

Avropa İttifaqında hesab edirlər ki, Ermənistan Avrasiya İqtisadi İttifaqından (Aİİ) çıxacağı təqdirdə ölkədə dərin iqtisadi böhran başlayacaq.

"PostMedia" xəbər verir ki, bu barədə Rusiyanın Xarici Kəşfiyyat Xidmətinin (XKX) mətbuat bürosu məlumat yayıb.

"XKX-yə daxil olan məlumatlara görə, Brüsseldə Ermənistanın Avrasiya İqtisadi İttifaqından mümkün çıxışı halında ölkədə dərin iqtisadi böhranın qaçılmaz olacağını nəzərə alırlar. Eyni zamanda vurğulanır ki, Avrasiya inteqrasiyasından imtina nəticəsində itiriləcək gəlirlər Ermənistan hakimiyyətinin Aİ istiqamətində kursunu Aİİ üzvü olan ölkələrin hesabına sabit saxlamağa imkan verməyəcək", – deyə XKX-nin məlumatında bildirilir.