Baydenin həyat yoldaşının ilk əri qətldə ittiham olunurBaydenin həyat yoldaşının ilk əri qətldə ittiham olunur

ABŞ-nin sabiq prezidenti Co Baydenin həyat yoldaşı Cill Baydenin ilk əri qətl ittihamı ilə saxlanılıb.

"PostMedia" xəbər verir ki, bu barədə NBC məlumat yayıb.

Məlumata görə, sabiq birinci xanım Cill Baydenin keçmiş əri həbs edilib və hazırkı həyat yoldaşını öldürməkdə ittiham olunur.

77 yaşlı Uilyam Stivenson həbs edilib, girov məbləği isə 500 min dollar müəyyən olunub.

Şübhəli qətlin detalları hələlik açıqlanmayıb. Bildirilir ki, dekabr ayında polis Stivensonların evinə ailədaxili zorakılıqla bağlı çağırış əsasında gəlib. Uilyamın həyat yoldaşı Linda huşsuz vəziyyətdə tapılıb. Ona yardım göstərilməyə çalışılsa da, həyatını xilas etmək mümkün olmayıb.