İranın ali lideri “ciddi şəkildə narahat olmalıdır” – Tramp

ABŞ Prezidenti Donald Tramp İranın ali lideri Ayətullah Əli Xameneyinin Vaşinqtonla gərginliyin artdığı bir şəraitdə “ciddi şəkildə narahat olmalı olduğunu” bildirib.

“O, çox narahat olmalıdır. Bəli, narahat olmaq üçün əsas var”.

Trampın sözlərinə görə, İran hazırda ABŞ-nin addımları səbəbindən ağır vəziyyətdədir:

“Biz ora girdik və onların nüvə infrastrukturunu məhv etdik. Əgər onların nüvə silahını məhv etməsəydik, Yaxın Şərqdə sülh olmazdı. Ərəb ölkələri bunu heç vaxt edə bilməzdi. Onlar İrandan çox-çox qorxurdular. İndi isə artıq qorxmurlar”, – deyə ABŞ Prezidenti bildirib.

O əlavə edib ki, İran nüvə proqramını alternativ məkanlarda bərpa etmə imkanını müzakirə edir:

“Onlar ölkənin başqa bir hissəsində yeni obyekt tikməyi müzakirə edirdilər. Biz bundan xəbər tutduq. Mən dedim: əgər bunu etsəniz, sizə zərər verəcəyik”, – Tramp vurğulayıb.