Mask tarixdə 600 milyard dollarlıq sərvətə sahib olan ilk şəxs olub

Amerikalı iş adamı və milyarder İlon Mask dünyanın ilk trilyoneri olmağa doğru daha bir nəhəng addım atıb.

“PostMedia” xəbər verir ki, bu barədə “Forbes” məlumat yayıb.

Məlumata görə, bu ayın əvvəlində “SpaceX” şirkəti tender təklifi elan edib. Həmin təklifə əsasən, şirkətin dəyəri 800 milyard dollar olaraq qiymətləndirilib. Bu isə avqust ayında qeyd olunan 400 milyard dollarlıq dəyərlə müqayisədə iki dəfə çoxdur. Bu barədə şirkətin iki investoru məlumat verib.

“SpaceX”in təxminən 42%-nə sahib olan Maskın sərvəti bununla 168 milyard dollar artaraq təxminən 677 milyard dollara çatıb.

Beləliklə, İlon Mask tarixdə sərvəti 600 milyard dollar və ya daha çox olan ilk insan olub.