İsmayıllıda işıq olmayacaq

Bu gün saat 09:00-dan 17:00-dək İsmayıllı rayonunun bir hissəsinə elektrik enerjisinin verilişində fasilə olacaq.

”PostMedia” xəbər verir ki, bu barədə “Azərişıq” ASC-məlumat yayıb.

Məlumatda deyilir ki, İsmayıllı Elektrik Şəbəkəsinin (EŞ) ərazisində 110 kV-luq "Qəbələ-1" hava xəttində sentyabrın 2-də gücləndirmə işləri həyata keçiriləcək. Bununla əlaqədar olaraq rayonun Buynuz, İstisu, Qalacıq, Sumağallı, Topçu kəndlərində, eləcə də bir sıra sahibkarlıq obyektlərində elektrik enerjisinin verilişində məhdudiyyət yaranacaq. Gücləndirmə işləri başa çatdıqdan sonra həmin yaşayış məntəqələri daha keyfiyyətli elektrik enerjisi ilə təmin olunacaq.