Bu gün Suraxanı və Nərimanovda qaz olmayacaq

“PostMedia” xəbər verir ki, bu barədə “Azəriqaz” İB məlumat yayıb.

Məlumatda deyilir ki, fasiləyə səbəb qeyd edilən rayonlardakı qaz xətləri üzərində görüləcək təmir işləridir.

Təmir işləri aparılan müddətdə Suraxanı rayonu üzrə Əmircan qəsəbəsinin Ü.Hacıbəyov, Meydan, H.Axundov, M.P.Vaqif və A.Caparidze küçələrinin, Nərimanov rayonu üzrə isə Mayak, A.Heydərov, A.Çernyayevski, P.İ.Çaykovski, İ.Hidayətzadə, M.Nağıyev küçələrinin və H.Əliyev prospektinin qaz təchizatında müvəqqəti fasilə yaranacaq.