Bu gün Bakının mərkəzində qaz olmayacaq

Bu gün saat 09:00-dan etibarən Bakının bəzi ərazilərin qaz təchizatı müvəqqəti dayandırılacaq.

”PostMedia” xəbər verir ki, bu barədə “Azəriqaz” İB məlumat yayıb.

Məlumatda deyilir ki, fasilə Xətai rayonunun 8 Noyabr prospekti ilə N.Rəfiyev küçələrinin kəsişməsində və M.Mehdizadə küçəsində, həmçinin “Qaz İxrac” İdarəsi tərəfindən “30-cu sahə” QPS-də aparılacaq təmir-quraşdırma işləri ilə əlaqədardır.

Nəticədə Xətai rayonu üzrə N.Rəfiyev, M.Mehdizadə, H.Salmani və Y.Səfərov küçələrinin, 8 Noyabr (bir hissəsi) və Babək prospektlərinin, Nizami rayonu üzrə isə B.Çobanzadə və NZS qəsəbəsinin Yavər Səfərov küçələrinin qaz təchizatında müvəqqəti fasilə yaranacaq.