“Biz Azərbaycan və Ermənistan münasibətlərində mövcud müsbət dinamikanı alqışlayırıq” — Maka Boçorişvili

"Biz Azərbaycan və Ermənistan arasında münasibətlərdə mövcud müsbət dinamikanı alqışlayır və ümid edirik ki, bu proses regionda davamlı sülhün bərqərar olmasına töhfə verəcək".

"PostMedia" xəbər verir ki, bu barədə Gürcüstanın Birinci Kanalının məlumatına görə, Türkiyə və Azərbaycan xarici işlər nazirləri ilə görüşdən sonra İstanbulda keçirilən mətbuat konfransında Maka Boçorişvili bildirib.

Onun sözlərinə görə, Gürcüstan öz tərəfindən regionda sülhün, sabitliyin və konstruktiv əməkdaşlığın gücləndirilməsinə töhfə verməyə hazırdır:

“Biz həmçinin Türkiyə və Ermənistan arasında münasibətlərin normallaşdırılması istiqamətində əldə edilən irəliləyişi alqışlayırıq. Gürcüstanı Türkiyə və Azərbaycanla strateji tərəfdaşlıq və çoxtərəfli əməkdaşlıq bağlayır”.

Boçorişvili bir daha təsdiqləyib ki, Gürcüstan gələcəkdə də regional sabitliyə töhfə verməyə hazırdır.

“Bizim ümumi məqsədimiz regionumuzu əməkdaşlıq, iqtisadi inkişaf, qarşılıqlı əlaqə və rifah məkanına çevirməkdir, burada dövlətlər mövcud potensialı tam reallaşdıra və ümumi maraqlara əsaslanan tərəfdaşlığı daha da dərinləşdirə biləcəklər.”