Azərbaycanın Təbrizdəki konsulu avtomobil qəzasında vəfat edib

Azərbaycan Respublikasının İran İslam Respublikasının Təbriz şəhərindəki Baş Konsulluğunun konsulu vəzifəsində çalışan Ramil Rza oğlu İmranovun Culfa-Təbriz avtomagistral yolunda Mərənd qəsəbəsi yaxınlığında xidməti fəaliyyətini həyata keçirərkən idarə etdiyi avtomobillə düşdüyü qəza nəticəsində həlak olub.

“PostMedia” xəbər verir ki, Azərbaycan Xarici İşlər Nazirliyi bu barədə məlumat yayıb.

“Bu ağır gündə mərhumun ailəsinə, yaxınlarına və həmkarlarına dərin hüznlə başsağlığı verir, səbir diləyirik.

Allah rəhmət eləsin!”-XİN-in açıqlamasında deyilir.