Türkiyənin məşhur müğənnisi İbrahim Tatlısəs İstanbulda yerləşən evində qəfil özünü pis hiss etdikdən sonra xəstəxanaya aparılıb.
“PostMedia”nın Türkiyə KİV-lərinə istinadən verdiyi məlumata görə, sıx konsert proqramından sonra evinə qayıdan sənətçi gecə saatlarında qəfil pisləşib.
Hadisə yerinə çağırılan təcili tibbi yardım əməkdaşları ona ilkin yardım göstərərək ambulansla xəstəxanaya çatdırıblar.
Xəbər yayıldıqdan sonra Tatlısesin ailə üzvləri və yaxınları da xəstəxanaya gəlib. Həkimlərin bildirdiyinə görə, sənətçinin vəziyyəti nəzarət altındadır və müalicə prosesi yaxından izlənir.
Həkimlərin ilkin məlumatına əsasən, o təzyiqin düşməsi və ehtimal olunan bakterial infeksiya səbəbilə xəstəxanaya yerləşdirilib və ehtiyat tədbiri kimi bir müddət müşahidə altında saxlanılır. Onun şüuru yerindədir, ürək və ağciyər funksiyaları normaldır, ümumi vəziyyətinin isə yaxşı olduğu bildirilir.
İbrahim Tatlısəs uzun illərdir Türkiyə musiqisinin ən tanınmış simalarından biri hesab olunur və 2011-ci ildə silahlı hücuma məruz qaldıqdan sonra uzun müddət müalicə almışdı.

Ən son xəbərlər haqqında bildiriş almaq istəyirsinizsə, saytı tətbiq kimi quraşdırın — sonra bir toxunuşla açılır və vacib xəbərlərdən xəbərdar olursunuz.
Safari-də Paylaş düyməsinə toxunun, sonra Əsas ekrana əlavə et seçin.
Bu üsul yalnız iPhone və iPad-də Safari ilə işləyir.
